My voormoeder Krotoa – susterskind van Harry die Strandloper

Dalene Matthee se Pieternella van die Kaap was ‘n dogter van Krotoa (dalk beter bekend onder haar Hollandse naam Eva),die Khoi-meisie wat in Jan van Riebeeck se huis gewoon het en as tolk tussen die koloniste en die Khoi opgtree het. Sy was getroud met die Deen Pieter Van Meerhoff, destyds chirurgyn en ontdekkingsreisiger aan die Kaap. Sy sterf op 29 Julie 1674 op Robbeneiland. Dus vandag 336 jaar gelede. Haar ma was ‘n suster van Harry die Strandloper. Krotoa is een van my voormoeders. Baie ander Afrikaners – o.a. ook Genl. Jan Smuts – tel onder haar nasate.

My verbintenis met Krotoa is as volg:

Daniel Zaaiman van Vlissingen. Hy het ‘n kontrak gehad met die Kommandeur van Mauritius om daar patats te plant en gaan later na die Kaap. Aankoms 26.1.1709 en sterf 1714. Hy was getroud met Petronella van Meerhof (Pieternella van die Kaap).

Pieter Zaayman gebore op Mauritius en getroud op 10.1.1712 met Anna Koopman waarskynlik die dogter van Bartholomeus Koopman

Bartholomeus Zaayman gedoop omstreeks 1717, burger Stellenbosch, getroud op 20.10.1741 met Anna van Biljon

Rachel Francina Zaayman, gedoop 29.1.1758, getroud 3.7.1774 met Frans
Siebrits van Oostkeller. Haar tweede huwelik was met Jacobus Hugo en haar derde huwelik met Willem Brevis.

Bernhardus Lambertus Siebrits gedoop op 28.12.1798 en getroud op
6.11.1813in die Paarl met Helena Debora du Toit. Hy sterf op
3.11.1856. Helena is gedoop op 20.7.1794.

Francois Krige Siebrits gedoop op 4.8.1816 in die Paarl en trou in die Paarlop 26.11.1844 met Hester Petronella Meyer wat op 20.9.1820 in die Paarl gedoop is. (Van hulle het ek ‘n foto)

Stephanus Gabriel Siebrits gebore op 19.4.1860 en oorlede in Franschhoek op 2.6.1944 en is getroud te Franschhoek op 12.12.1893 met Margaretha Judith du Toit wat op 14.10.1873 gebore is en op 16.9.1958 in Franschhoek sterf.

Hester Petronella Siebrits gebore op 20.8.1905 en sterf op 29.3.1977 en was getroud met Daniel Johannes Malan Jacobs wat gebore is op 17.11.1897 en sterf op 7.11.1945

Hierdie Hester Petronella is my ouma aan vaderskant.